ထံက်ပၚ်ဝဳကဳပဳဒဳယာခရိတ်အေန်တာနေတ်(လၟေၚ်−၁) 4-5-6/2020

နူကဵုဂကောံထံၚ်ပၚ်အာဲထဳမန်(IT)မန်ပိုဲဏံ ထံက်ပၚ်ဏာကဵုညးကောပ်ကာဲဝဳကဳပဳဒဳယာဘာသာမန် တၠဂုဏ်(အဲနာဲပညာစိုတ်) လၟေၚ်(၁) စရိတ်အေန်တာနေတ်ပွိုၚ်(၃)ဂိတု (၁၀၀၀၀၀)ဒ္ကေဝ်သြန်ဗၟာတေံရ၊ လၟေၚ်ဆက်ဆက်လေဝ် သွက်သ္ဂောံဒှ်သွာၚ်လ္ၚတ်ဂၠာဲဗဟုသုလိက်ဘာသာမန်ပိုဲလ္တူလပှ်ကျာဝဳကဳပဳဒဳယာမာန်တုဲ ဒးချဳဒရာၚ်အာရ၊ ဒးတၚ်ဂုဏ်ကဵုကောန်ဂကူမန်ပိုဲညးထံက်လဝ်ပၚ်သြန်ကဵုဂကောံ(ထံက်ပၚ်အာဲထဳမန်)ဏံကီု သီုကဵုကောန်ဂကောံတံဗွဲမလောန်ရ၊ ဒးတၚ်ဂုဏ်ကဵုတၠဂုဏ်(အဲနာဲပညာစိုတ်ကေုာံနာဲဗဳထဝ်မန်ဇြာ) ညးကောပ်ကာဲချဳဒရာၚ်ဝဳကဳပဳဒဳယာဘာသာမန်ပိုဲဇၞော်ကဵုဒြဟတ်ရ။

သဳကၠဳ ၄−၃−၂၀၂၀ တ္ၚဲဗုဒ္ဓဝါ

နူစသၞာံ(၂၀၂၀)ဏံတုဲ သဳကၠဳလဝ်စၟတ်တ္ၚဲ ၄−၃−၂၀၂၀ တ္ၚဲဗုဒ္ဓဝါဂှ် စသဳကၠဳလဝ်ဗွဲကိုပ်ကၠာအိုတ်သွက်သၞာံ၂၀၂၀ဏံရ၊ ပ္ဍဲပေဲါသဳကၠဳဂှ်တှ်ေ မၞိဟ်တိုန်စိုပ်ဟွံမွယ်တုဲ ညးတာလျိုၚ်တံဖန်သဳကၠဳဏာဂၠိဂၠိလၟေၚ်ကမၠောန်ရဴသာ်ဝွံကီုရ။

၁၊ ဂှ်တှ်ေ သြန်ဂိတုကောန်ဂကောံနူ(၂၀၀)ဒ္ကေတ်ၜါတ်သေံဂှ် ယှအ်ထောံမွဲဂိတုတှ်ေ (၁၀၀)ဒ္ကေဝ်ၜါတ်သေံကီုရ။

၂၊ ဗါန်သြန်ဗွဝ်ဂကောံဂှ် သၠာဲထောံတၟိတုဲ ဒုၚ်စဗါန်နာဲအာဲမ္ၚဵုကီုရ။

၃၊ ကမၠောန်ဂကောံထံက်ပၚ်အာဲထဳမန်ဏံဂှ် ဆက်ကၠောန်ချဳဒရာၚ်အာသိုက်သိုက်ရ။