လလောင်တြး

(တ္ၚဲဏံဂကောံထံက်ပၚ်အာဲထဳမန်ရာန်လဝ်ကောန်ပျူတာၜါမ) ၁၄−၁၂−၂၀၁၉

နကဵုသြန်ထံက်ပၚ်ကောန်ဂကူမန်ပိုဲကီု သီုကဵုကောန်ဂကောံပိုဲဏံကီုတုဲ သွက်သ္ဂောံဒှ်အာထံက်ပၚ်သွာၚ်အာဲထဳမန်ပိုဲတုဲ ရာန်လဝ်ကောန်ပျူတာၜါမသွက်သ္ဂောံထံက်ပၚ်ကဵုတၠဂုဏ်အနန္တမဒှ်ကီုရ။

ဒးတၚ်ဂုဏ်ကဵုကောန်ဂကူမန်ပိုဲထံက်လဝ်ပၚ်ကဵုဂကောံပိုဲတုဲ မသြန်ကောန်ဂကူတံဂှ် ဒှ်ဖဵုသွက်ဂကူသွာၚ်အာဲထဳဟေၚ်ရ၊ ဂကောံထံက်ပၚ်အာဲထဳမန်ပိုဲဏံလေဝ် ဒၞာဲလပါ်အာဲထဳမန်ပိုဲထေက်ကဵုဒးဆက်ချဳဒရာၚ်အာနွံတှ်ေ ကွာ်အာသိုက်သိုက်တုဲ ရေၚ်တၠုၚ်ထံက်ပၚ်အာကီုရ၊ တ္ၚဲဏံစိုပ်ကၠုၚ်အခေတ်အာဲထဳ(I.T)လ္တူလပှ်ကျာမွဲအခေတ်တုဲ ညံၚ်ဂကူမန်ပိုဲဂွံကွာ်ဗက်အခေတ်ဂတာပ်မာန်ဂှ် ဒှ်တာလျိုၚ်ဇၟာပ်ညးအဲသီုဖ္အိုတ်ရအဴ။

လၟေၚ်သဳကၠဳ ၁−၁၂−၂၀၁၉ မရနုက်ကဵု(၇)ဝါ

ပ္ဍဲကဵုပေဲါသဳကၠဳလၟေၚ်(၇)ဝါဏံဂှ်တှ်ေ ပွပပြံၚ်သၠာဲဆက်ချဳဒရာၚ်အာကမၠောန်နွံတိုန်ၜါကဏ္ဍကီုရအဴ။

၁ ။  သွက်သ္ဂောံကၠာဲစၠောံဘာသာမန် Project ubuntu ကၠာဲစၠောံဘာသာမန်ဂှ် နူကဵုဂကောံချဳဒရာၚ်အာဲထဳဍုၚ်မန်ပိုဲတေံ ညးတံနွံဗၟိက်မံၚ်ကဵုစက်ကောန်ပျူတာသွက်သ္ဂောံကၠောန်ကမၠောန်နာနာဆေၚ်စပ်ကဵုအာဲထဳမန်ပိုဲကီုရ၊   စက်ရုၚ်ချဳဒရာၚ်အာဲထဳမန်ပိုဲလေဝ်ဟီုစဂွံရ။

၂ ။  ကောံဓရီုသဳကၠဳလၟေၚ်ဂိတုသွက်ဂကောံ(ထံက်ပၚ်အာဲထဳမန်)ပိုဲဏံဂှ် ပဆုဲဏာလဝ်(၃)ဂိတုမွဲဝါနူစ(၁−၁−၂၀၂၀)ဏံရ၊  အကြာဏံဂှ်တှ်ေ ယဝ်ရဒှ်ကမၠောန်မွဲမွဲကိစ္စနွံတှ်ေ ကော်သဳကၠဳအာဏောၚ်၊ အနာဂတ်တေံ ယဝ်ရဂကောံပိုဲဏံကမၠောန်ချဳဒရာၚ်ဂၠိုၚ်တိုန်တှ်ေ လၟေၚ်သဳကၠဳဂှ်ဒးပြံၚ်ပဆုဲတၟိပၠန်ရ။

၃ ။ ကောန်ဂကောံပိုဲသီုညးဖ္အိုတ်တံဂှ် စိုတ်လ္ပယောၚ်အာလ္တူဂကောံအိုတ်ညိ၊ ဂကောံပိုဲဏံဂှ်လေဝ် ဒးထ္ၜးအာရုပ်ရဴသိုက်သိုက်ရ၊ အတိုၚ်ရန်တၟံပိုဲဂှ်ဒှ်ဖဵုသွက်ဂကူမန်ပိုဲဂွံဒုၚ်စသိုၚ်ပေၚ်ပေၚ်ရ။

ချူလဝ် စၟတ်တ္ၚဲ ၇−၁၂−၂၀၁၉ တ္ၚဲသ္ၚိသဝ်   ညးအုပ်ကာ − ရာမည ခန္တဳဆာန်